حوار مع صديقي المتمرد.

مش انا

حوار مع صديقي المتمرد.

في محاوله لفهم المشهد اليوم هذا حوار تخيلي مع احد الثوار النضاف من شهد اغلب الملاحم و المصادمات و هو من مصابي الثورة الذين لا يتاجرون بإصابتهم ولا يهمهم غير بناء وطن محترم لنا و لابنائنا.

====================
الثائر:
من رايك الاخوان هيهمدوا ولا هيتقتلوا

المحاور:
لا. لان المشكله انهم خايفين يتدبحو زي ما عبناصر عمل فيهم لما اسقط نجيب

الثائر:
طيب ورايك الجيش هيزعلهم

المحاور:
لازم نديهم الامان
زي من كام يوم لما كنا بنتكلم و لم تسعفنا الاحداث للتفصيل
الاخوان فصيل اتبهدل كتير و حاليا فيه شرخ كبير مع الشبابا و القواعد

الثائر:
مهم لو يسكتوا الاغبياء اللي فيهم

المحاور:
فلازم يشوفو تأمين لاهلم و للشباب علشان يهدو . غير كده هما احسنلهم يموت فالشارع ولا يموتو في المعتقلات
بالظبط
فيه ناس شغلتها تتواجد وسط الحشود من كل طرف و تقتل علشان تجننهم على الطرف الاخر
فاكر علاء مات ازاي و جيكا و الشيخ عماد عفت و غيرهم
هناك محترفون هذه مهمتهم

الثائر:
وحط كل دول المشهد يتصور حرب على الارهاب
ويبقي معه كارت للقتل

المحاور:
كله هيلعب على مصلحته

الثائر:
مفتوح

المحاور:
بالظبط
امبارح كنت عند الحلاق
هيه ساعه واحده كان فاتح cbc
انا دم اهلي اتحرق و كنت هكسر التلفزيون
قناة اوسخ ما تتخيل كفيله باشعال حرب عالميه

الثائر:
بصراحه أنا معتزل التفزيون من سنتين
بس عارف أنت بتتكلم عن ايه

المحاور:
انا اول مره اشوف القناة المعفنه دي تقريبا
ده عكاشه ارحم و الله

الثائر:
برده هارجع اقولك عندهم وتمسكهم بيعجل بقتلهم بتايد شعبـي

المحاور:
صح
الغباء لا حدود له

الثائر:
السؤال بقى هما فعلا مصدقين إني مرسي ممكن يرجع

المحاور:
تصدق مصدقين
علشان السيسي استغبي
كان ممكن ببساطه بدل ما يقلب الطربزة يعمل استفتاء او حتى انتخابات
و دي بردو كانت هيتقابل بالرفض منهم لكن مكنش هيكون عندنا حشد و انقسام مجتمع زي دلوقت

الثائر:
هم معهمش غير نفسهم على حبه ناس بسطاء مضحوك عليهم
والجيش معندوش أي مشكله إني يخش يصفيهم


المحاور:
لا مش بسطاء
انا عارف ناس عقليات كبيره معاهم
زي ما قلتلك كل من هو ضد العسكر معهم
و كل من هو مع الديموقراطيه والاحتكام للصندوق معهم
علشان كده كان حلها الدعوه لاستفتاء او انتخابات مبكره مش بالدراع
المهم الي حصل حصل

الثائر:
بعد مناظر القتلي والحجات اللي بتطلع زي اللي حصل في سيدي جابر و ولوله اعلاميه
مش هيصمدو كتير أنا نفسي الصف التاني يعزل الصف الاول وقعد يتفاوض

المحاور:
بالعكس . لامشكله ان هما كمان عندهم قتلى بيتاجرو بيهم
و هما شايفين نفسهم مغدور بيهم
و بيقتل باسمهم
و يقتلون بلا ديه
و ده حصل فعلا في بعض الاحداث مما اعطاهم الفرصه للرد بغباء فقتلو همه كمان
ووصلنا لهذه النقطه ان كلا الطرفين يده ملوثه بدم الاخر ادبيا
و لو تفتكر ده نفس الوضع ايام الاتحاديه
الحل مش فالصدام او تواجه الحشود
بالعكس الحل في تجنب تقابل الحشود
و تامين العوام منهم و من لم يشترك في الدم و يأمنو
بس الي الجيش و الداخليه بتعمله بيهيجهم اكتر
ولازم يسمح لهم يدخلو الانتخابات
و لازم يتم محاسبت كبارهم بالقانون و بشفافيه
و لازم بردو يتحاسب الي حرض من الفلول زي لميس و خيري مش من الاخوان بس
يعني لازم حكمه
المشكله اننا زي ما ذكرت زمان امام شعب منقسم و ليس كما كنا ايام مبارك

الثائر:
للاسف احنا في مرحله مغازله والضحيه هتبقى الطرف الضعيف والغبي في نفس الوقت

المحاور:
و اعترف ان الموقف معقد للغايه
المشكله اننا في مشكله تهم الوطن ومهما كانت الضغائن يجب حلها بحكمه لاننا جميع لن نتحمل تكلفة الغضب

الثائر:
كلامك منطقي جدا لكن اللي محيرني بقى شغل اللجان الايام اللي فاتت من انشقاقات في الجيش وده مبيحصلش عندنا أصلا ولا ممكن يحصل وانت عارف ليه
التهديد بالتفجيرات وهما أصلا اخرهم يضربوا نار لأن على معلوماتي إني أمن الدوله والمخابرات الحربيه قضت تماما على جيل 1980 واللي موجودين دلوقتي حبه فرافير

المحاور:
هجص بيحاولو يجمع صفهم

الثائر:
فهمني أكتر ايه اللي هاجس

المحاور:
زي اعلام النكسه كده و كلهم عارفين انه كدب بس زي اغاني الالتراس كده مهمه للتسخين

الثائر:
يعني محاوله لرفع المعنويات مش أكتر

المحاور:
اه

الثائر:
صح
طيب بذمتك فيه حد يرفع المعنويات بتسليم رقبته !!!!!

المحاور:
ما رقبته كده كده طايره . فا تطير بكرامته احسن. علشان كده لازم نعجل باعطاء الشباب و الاهالي الامان

الثائر:
حبيبي ابوس رجلك فهمني ايه اللي بيحصل

المحاور:
الدنيا عكت خالص و الجو في اقصى درجات الاحتقان تبيكل خطة انقلاب جمال على نجيب بالحرف
انا زهقت من الكل . الغضب عامي الكل ، و كلنا بيتلعب بينا من العسكر و المخابرات و احنا واخدنها عند و تار صعايده

الثائر:
بالراحه كده عليا
الاول ليه بتقول خطه انقلاب ناصر على نجيب
2- بعد المجزره النهرده مين كسب ايه ومين خسر ايه على الارض بغض النظر عن الدم
3- ردود الفعل المتوقعه من العسكر والاخوان
4- حقيقه احنا خلاص طلعنا بره المشهد
5- الخسائر المتوقعه والهدوء النسبي هيجي امتي

المحاور:
قبل ما نحلل حدث لحظي لزم نرجع ورى قبل بداية سلسلة الاحداث لحد الفترة الي فيها هدوء نسبي و نقيم و نقيس القوى في المشهد و بعدين نسرد تسلسل الاحداث قدامنا و نشوف امكانية صحة ما فيها و نقيم دور المندسين في الطرفين لاشعالها و نشوف مين مستفيد من اشعالها و نوصل لليوم و بعدها نبداء نتوقع ما هو قادم و كيف ننزع فتيله. عارف انه كلام يخنوء و متعب بس هو ده الاسلوب العلمي المتبع في الاجهزة الكبرى و حتى في الجهات الامنيه بره للسيطره على موقف معقد زي حالنا

المحاور:
اهري ولا عايز تقول حاجة؟

الثائر:
طيب نلخص المشهد من وجهة نظري بسرعه
حكم مرسي لسنه
1- اقصائي لم يحتوي المعارضه
2- فشل ذريع في اداره الدوله
3- عدم تطهير المؤسسات
4- انتهاز كل ده لصالح العسكر وانتهاز احتقان المعارضه وحشد الناس بوسائل الاعلام المختلفه للنزول وارسال رسائل تطمنينيه للنزول نزل الحشد
5 -التعالي من النظام والانكار

المحاور:
هايل. احيي دماغك النضيفة . بس ده خطوة اتنين . خطوة واحد هي
لما رضخ النظام و ليس سقط قعدو فترة يحللو القوى الي على الساحة
وجدو
التالي
شباب ثوري متشرذم
كنبة
مسيحين اغلبهم لا يعنيه السياسه و الاخر يقتدي براي الكنيسه الا قليل من المنتمي للشباب الثوري
و شباب سلفي متبعثر
و اخوان ككيان منظم
و فلول متبعثرين لكن مسيطرين
كده عندنا ٦ لاعبين اساسين على الارض
تمام؟
ولا شايف فصيل انا نسيته؟
اه و احزاب المعارضة الفالصو الركيبه بتوع مبارك
يبقو ٧

الثائر:
المعارضه بخ ملهاش لازمه
تمام جدا استمر

المحاور:
و لما ترجع لكتب التاريخ و تجارب زي رومانيا و انقلاب ناصر على نجيب تجد الاستراتيجيه المتبعه تعتمد على ١)تكفير الشعب بالثورة خصوصا الكنبة ٢) تكسير الكتل الفعالة الكبرى ترغيبا او ترهيبا ٣) اعادة تلميع النظام السابق في ثوب جديد

الثائر:
ثوب عسكري تحت غطاء مدني

المحاور:
لو تفتكر اول من بداء العسكر معهم هم انتم. الشباب الثوري "القلب و الضمير" فرق الشباب الى عشرات الاتلافات و لم بعض الاقزام و زرع التشتت و التنافس الفارغ و عزز فيهم روح المثاليه الجيفاريه حتى وصلنا لمرحلة انهم حتى ترفعو عن الانخراط في الانتخابات البرلمانيه الي هي حلمنا

الثائر:
وخد بقى حبه امنجيه
كلام جميل

المحاور:
بعد ما خلص من دول بداء حركة التلميع بهوجة فضائيات الفلول الي رجعو بيها كاعلامين و رموز بوش بجح و تابو انابو و قالو نحن ابناء الوطن و البوقين دول ثم بداو في نشر سمومهم في المجتمع بداية من الكنبة و على راسهم عكاشة و لميس و خيري و الاسماء طويله ، بميزانيات مليارات

الثائر:
كده هو كسر اللي فعلا ممكن يزعلوه

المحاور:
و دي خطه طويله محتاجه نفس طويل و دي لعبتهم
كده فاضل مين ليه لزمه الاخوان و السلفين الي تبلورو فجاه بعد الانخابات و الاستفتاء
السلفين غوشم فا امرهم سهل ولازم يفضلو للاخر لانهم نموسه هتموت نفسها فالنار بنفسها و البوادر باينه دلوقتي

الثائر:
عاوز افهم حته السلفيين تاني معلش

المحاور:
السلفين يجمعون بعض صفات خطيره، المثاليه المفرطة و الاندفاع و الحمية و سطحة التفكير "عذرا بس ده واقع عند كتير" و الاتباع المطلق لمشايخهم
هذه صفات يسهل تسخيرها للقضاد عليهم او استغلالهم زي ما كان الاخوان بيعملو في مليونية كل حاجة و الشريعه و احشد يا جدع

الثائر:
اها
فهمت

المحاور:
زي الدبه الي بتقتل صاحبها حبا
يبقى لحد دلوقتي الفصيل الوحيد الي فاضل لاستعادة السيطرة تماما الاخوان و هم يجمعون الصفات التاليه
التعطش للتمكين الذي تربو عليه طول عمرهم، الانعزال عن المجتمع و العنصريه، الانضباط المطلق حد الاتباع الاعمى ، انعدام الكفائات. انعدام الثقة تماما في من هو خارجها. و الرعونه و التسرع في القرارات . بالاضافة الي عدم الخلو من صفات البشر السيئة في كيان بالملاين يعني فيهم الصالح و الطالح في القيادات و الشباب ، و لكن هم بذرة لفكرة رائعة و لكن استعجلو في التسوية خصوصا اخر جيلين تلاته
في بداية الامر كلنا و خصوصا الرجالة امثالك عارف دورهم و فضلهم في الايام الاولى للثورة في الدعم و التامين و غيرة
لكن المشكله الرئيسيه انهم كيان بوشين
من كتر السواد الي شافوه بيلعبو على كل الحبال و خيبانين سياسه في نفس الوقت
في فترة الاستفتاءات و الانتخابات كان العسكر و النظام كل تركيزه معاهم علشان يديهم الامان تماما علشان يكشفو كل ورقهم و حصل و بلعو الطعم

الثائر:
وبلعوا الطعم واتكيفو كمان

المحاور:
و بسبب ده بدات ندالتهم في مجلس الوزره و محمد محمود و غيره لانهم كانو شايفين ان كله يهون بس نمسك و هتبقى الدنيا فل و هننهض بالبلد بحجمنا التخين

الثائر:
وده بالنسبه للعسكر كانت على طبق من دهب

المحاور:
المشكله انهم مع ده ركبهم الكبر و بقو بيعاملو الناس زفت و بمبداء احنا فهمين و انتو لاء و دخلنا في المتاهات الي انتا تفتكرها اكتر مني من استفتائات و دستور و انتخابات و غيره من الهري

الثائر:
لانه بكد فصلهم

المحاور:
بالظبط
هما بداو يحسو و كانو هيتعدول بس لما الناس دعمتهم فالرياسه فهمو غلط و اتغرو

الثائر:
وأول مامسكم طاحوا فيهم وقالق يولعوا

المحاور:
لما مسكو بصراحة اتفاجئو انهم شالو اليله و مكانوش عارفين يعملو ايه "من وجهة نظري" فبداو يستعينو بكل القوى الاخرى علشان تساعد معاهم
بس للاسف اسلوبهم الغبي طفش الناس منهم
بالاضافة الى السيطرة التامة للنظام القديم علي كل مكان في الدوله
بعد الميت يوم اكتشفو انهم مش هيعرفو يحطو قلم في اي قرار و النظام مسيطر على كل حاجة
هنا بداو يلعبو على الحبلين
يحاولو يسترضو القوى الاخري علشان تشاركهم . بس بعد ما كانو قطعو كل الحبال باسلوبهم المنيل و طبعا بتحبيش من العسكر و النظام القديم في تتخين مخ المعارضه اكتر انهم ميشاركوهمش

الثائر:
العسكر والفلول والمصالحات اللي حصلت معاهم

المحاور:
و الحبل التاني يحاولو يتصالحو مع العسكر و الفلول علشان يعرفو يشتغلو
اه بالظبط

الثائر:
كمل يا أسطوره
كمل
دحنا لليتنا عنب

المحاور:
تتخين مخ المعارضه وصل لمرحلة ان حد فيهم قال في وشي بالمفتشر ردا على سؤالي ليه متتطرحوش حلول و تساعدو في حل المشاكل الي معترضين عليها بدل البلد كلها ما تخرب. قالي
و احنا نساعدهم ليه احنا عايزنهم يسقطو ايا كان الثمن
الي هو الكلام ده في ايام الرحرحة ممكن يلبس فيها قضية خيانه عظمى
و بالمناسبة ده كان ايام فلم الميزانيه و عجز الاحتياطي
و كلما تعقدت الازمات زاد تعنت المعارضه و زاد غباء الاخوان في التعاطي مع الموقف بالاضافة لحشد السلفين معاهم في اي حاجة فرغيف و الشريعه

الثائر:
كمل

المحاور:
بالتوازي كان اعلام الفلول و الشامخ بيعمل السليمه زي ما انتا عارف

الثائر:
اينعم مجربه وربنا

المحاور:
اعلام الفلول عمل على حشد الكنبة و النمل الي مهمتهم يشكلو عدد فالصورة
و الشامخ مهمته يسخن الثورجيه بمهرجان البرائة للجميع الي كلنا عارفين ان محدش ليه سلطه فيه غير العسكر و امن الدوله و النظام القديم، لانه حصن مبارك الحصين
كده الكماشة احتكمت: تسخين الكنيه و غسيل الفلول و تفتيت الثوار و اغضابهم و تعنت المعارضه و تكفير الناس في عشيتها بازمات متتابعه زي الاسعار و البنزين و العيش الي معرف انه في ايد ادارين الصف التاني و التالت المنتمين للنظام القديم مش السلطه الحاكمه

الثائر:
بس الثورجيه كده كده شيلين منهم كتيير قوي أعرف منهم ناس تختار العسكر اللي اتسحلوا منهم بدل الاخوان عادي جدا
لانه شاف من الاخوان كتير

المحاور:
بالظبط. سخنوهم من نحيه و الاخوان بغبائهم و طمعهم كملو
يفضل ايه دلوقتي ان الاخوان بنفسهم يلفو حبل المشنقة حولين نفسهم
اول محاوله كانت مع محمد حامد و فشلت و الكرت اتحرق

الثائر:
مين محمد حامد

المحاور:
ابو حامد فاكره

الثائر:
اها بتاع موقعه الخرتوش

المحاور:
الي كان نازل قصر النيل قدام جميله اسملعيل

الثائر:
ايوه خلاص فهمته
كمل

المحاور:
المحاولة التانية كانت احداث الاتحاديه
الي نزل الاخوان بغباء و اعلنو النفير انهم فقدو الاتصال بيه تماما ٤٨ ساعه و اعتقدو انه قتل او خطف

الثائر:
مرسي ؟

المحاور:
اه
و من جانب اخر كان تواطى الداخليه واضح زي ما انتا فاكر لما كانو بينسحبو و يلبسو الناس في بعض

الثائر:
وطبعا كانت مقصوده + تقرير امنيه مضروبه من قبلها

المحاور:
احب دماغك النضيفه
لان المطلوب ان يسقطو بغبائهم لا ان ينقلبو عليهم

الثائر:
ده غير ولوله الاعلام وعلى حسب معلوماتي إني الاخوان ساعته اتحط عليهم فعلا

المحاور:
بالظااابط
في كل الاحداث من بداية الثورة و انت سيد العارفين تعرف ان فيه من كانو يسمون باللهو الخفي الي كانو بيندسو وسط الحشود و يقتلو عشوائي زي علاء او تحديدا زي الشيخ عماد و جيكا

الثائر:
كلنا عارفين انهم امنجيه

المحاور:
هؤلاء دورهم في كل حشد تهيج الحشود لان غضب الحشود لا يمكن السيطره عليه
زي الي كانو بيكونو وسطكم في محمد محمود و يضربو حي و خرطوش على الامن كل ما الدنيا تهدى و خصوصا الفجر

الثائر:
تمام جدا

المحاور:
حين تغضب الحشود يزيد الدم و الدم بيعمل شغل حلو في السياسة و سهل تلونه علي كيفك زي احداث الاتحاديه لما كل واحد قال الي ماتو من عندي
المستفيد الوحيد في كل هذا هو العسكر و النظام القديم
و خصوصا انك تلاحظ ان كل ما كانت الدنيا تهدى كانت تفتعل ازمة و نسيح فيها دم و شعللها شعللها

الثائر:
بس ده لا يمنع إني حاليا الاخوان نازل معاهم حبه همج

المحاور:
جايلك لليومين دول علشان دي القفلة فيها من كل لون يا بطسطه

الثائر:
استمر

المحاور:
معلش طولت عليك بس علشان نعرف العركة ليه لزم نعرف مين المعازيم

الثائر:
يا برنس أنا فعلا بستمتع بكلامنا لاني بشغل دماغي بعيد عن مشاعري
كمل

المحاور:
كلنا عارفين ان خناقة الدستور دي كانت خناقة عالم بتوع كتب و كانت ممكن تتلم في قعده بس كان المطلوب انها تقلب عاركه كبيره لزوم التخليص

الثائر:
والاخوان كالعاده مفهمش أو عمل عبيط وسلقه كاني حد بيجري وراه وبرضه اتاخد بنط عليه

المحاور:
و لما الدور قلب صعايده الاخوان استغبو كالعاده و طلسقو فالمعارضه تربست اكتر و حصل الفلم الي شفناه كلنا

الثائر:
تصدق إني لو الثوره ديه كده بالهنا والشفا يعني واللهِ مهحمل حد في ضياعها غير الاخوان لو هابقى منصف 80% بسبب طمعهم و غباءهم
كمل

المحاور:
و طبعا كان دور العسكر و المخابرات و الفلول و اعلامهم واضح لاي حد فاهم سياسه و قرى تاريخ
كلنا غلطنا. هما شايلين الجانب الاكبر لانهم الفصيل المنظم الوحيد و طمع و استغبا

الثائر:
موافق جدا

المحاور:
في الفترة دي ناس كتير حاولت تتواصل مع الاخوان و المعارضه للتوسط و انهاء الازمه بس كلاهما تربس
و دي الفترة الي اكدتلي اختراق المخابرات التام للجبهه و قادتها

الثائر:
مستبعدش

المحاور:
اخر مرحلة كانت بفلم تمرد و متزعلش علشان الي جاي ده تخبيط عن علم

الثائر:
مفيش حاجة دوس كلنا بنتخدع وانا لو غلط بكل أنا غلط

المحاور:
في المحاوله الثانيه ظهر ضعف الجبهه على مستوى الشارع و ان القرار في الشارع للشباب و ان كانو بلا راس
و انهم تجار دم بكل ما تحمله الكلمه من معنى و بالاخص التلاته الكبار حمدين و البرادعي و عمر موسى

الثائر:
معاك وطامعين سلطه ولا يختلفوا عن الاخوان
في وسختهم

المحاور:
فظهرت الحاجة لحركة شعبيه اعتباريه غير قابله للتعين او ان تكون حول فكرة ثوريه بلا مطلب منطقي ليسهل الحشد لها عاطفيا و ليس منطقيا
مش هغوص في مصداقية تمرد لان اي ثوري من الميدان عارف كويس انهم نكره و عليهم مليون علامة استفهام . انا بس هذكر معلومه واحده متاكد منها بنفسي واحده على راي وائل عباس العيال بتوع المخابرات
فاكر فلم حريق المقر بتاعهم؟

الثائر:
هم عيال من الصف التاني مكنش ظاهرين حتي في المعارك الفيصليه
اه . كسب تعاطف وكلنا عارفين وهما اللي عملوها
كنا بنعملها زمان

الثائر:
معلومه : وائل عباس محطوط عليه علامات استفهام كبيره قوي
كمل

المحاور:
و حجات كتير مش موضوعنا دلوقتي ممكن نعملها حوار لو حدها
المهم

الثائر:
المهم

المحاور:
لما اوجدت رساله لتجميع محصلت الغضب الذي زرعته المخابرات و العسكر في سنتين يجمع كيانات لا تجتمع

الثائر:
هي لا تجتمع إلا في الخيال العلمي بمعني أنا مثلا كان جنبي ظابط أمن مركزي كنت همووت من الحسره !!!!

المحاور:
ثورة+ كنبة+ معارضه + منتفعين
ثم في المرحلة التاليه
تجراء الفلول ثم غضبنا غطى على مبادئنا و دخلت الداخليه و الجيش على الخط
كل ده عززه غباء الاخوان و تصعيدهم في لغة الخطاب و عجرفتهم

الثائر:
بصراحه أنا فعلا بكره الاخوان فعلا وصلت لمرحله إني ادفع واستحمل أي حاجة عشان يغرو

المحاور:
هذا ما فعلو بغبائهم
نفس غلطت العسكر في البدايه لو كان يريد الثورة
كان ممكن يخدو البلد كلها في عبهم و يتشالو فوق الروس لكن طمعو و استغبو
لكن للامانه كلنا نعرفهم انهم لم يكونو يحكمون اي شبر من البلد و لم يكن لهم سلطه غير على كاميرا التصوير الي بتصبر على فقع خطابات مرسي
و كلنا نعلم انهم مفعول بهم مثلنا
لكن الغبي بيجيب لاهله الشتيمه

الثائر:
وهفكرك في الاول احنا كنا معاه وطهر يا ريس وكنا فعلا عندنا استعداد نخش معارك داميه هو رمانا في الزبالة واختارهم مقدرش التمسله العذر

المحاور:
صح
بس زي ما قلتلك الشباب لم يكن لهم سلطه و الي كان ليه و زن الفلول و احزاب المعارضه الي قعدت تساوم و تلعب لعب وسخ علشان تكسب اكتر مش علشان مصر

الثائر:
فعلا

المحاور:
كل المخلصين الي اعرفهم قريبين من السلطه نصحوهم يعملو زي بتوع امريكا الاتينيه و خصوصا فنزولا الي بيتمسحو فيها دلوقتي
ان مرسي يطلع هو و زراه يشرشح في الاعلام و من اول شهر كل واحد في وزارته يقول فلان موقف المشاريع الفلانيه و فلان بيعمل و يسوي و يفضح القضاء و الداخليه و ساعتها الشعب كله هيكون وراهم

الثائر:
بس مفيش حد عندهم زي تشافيز

المحاور:
بس هما استعيبوها و افتكر نفسهم حكومه بجد
هههههههههه صح
و لما مالطه خربت مرسي طلع يهلفط في اخر خطاب زي العبيط

الثائر:
واللهِ كان عندي امل يطلع بكرامته

المحاور:
اغبياء
لما الوضع وصل الذروة
السيسي استغبا هو راخر و فضح نفسه

الثائر:
خطاب 48 ساعه

المحاور:
كان ممكن فعلا يكون انقلاب ناعم انه يعلن عن استفتاء على الرياسه
هههههه
الاستفتاء ده كان هيمشيها قانوني
الاخوان بس الي كانو هيعترضو بس مكنوش هيلاقو الدعم الشعبي ده
لان الغلطه انه هد الصتدوق

الثائر:
بس أنت نسيت انهم حضروا عفريت في الشارع مكنش هيقبل باقل من انتخابات رأسيه

المحاور:
كل الي اعرفهم مع مرسي دلوقتي فقط من اجل الديموقراطيه و ليس الشخص
و ماله لو كان نفس الشو اتعمل و الاعلام الوسخ طبل كانت هتعدي
كل الموضوع يا باشا في الي بيسخن لاميس و شلتها
كان اسوء الحلول هيفرض انتخابات برلمانيه مبكره بالقانون القديم خالص و دمتم
كان فيه حلول وسط
لكن المشكله انك تقلب طرف و تاخد طرف على حجرك فايحصل الصدام الحالي
لان الشعور بالقهر حتى من المخطئ يخرجه عن شعوره
الان نحن في وضع الاعلام الوسخ لبس الطرفين دم و بيتاجر بدم الكل و مؤيدي مرسي شايفين انهم اتغدر بيهم و خصوصا بعد مجزرة الحرس الجمهوري

الثائر:
معاك جدا

المحاور:
و المعارضين شايفين انهم خونه قتله ارهابين و يدبحو العيال و يشربو دمهم و ههوهوهوهوهووهو
في الوطن لا يمكن تدمير طرف الكلام ده في خناقه ولا مطش بس وطن لا
يجب الوصول لحل وسط
المعركه الان كما قلت سابقا بالنسبه للمؤيدين حياة او موت لانه لو رضخ هيتدبح من الامن او الجيش او البلاك بلوك او في المعتقل
فعنده يموت بكرامته فالميدان ولا يوم من ايام المعتقل
و بالمناسبه "امن الدوله فعلا بداء يشد فالعيال زي زمان من بعد ٣٠"

الثائر:
صاحبي من أيام المدرسه اتصل بيا قالي متخافش انا نزلت مكتب أمن الدوله في قسم كرداسة ونازلين بشده جامده وعندنا وامر بالمهم كوتيمي

المحاور:
بالظبط

الثائر:
تمام كمل

المحاور:
ده مثلا راي محمود صاحبنا و كلنا عارفين انه صح
محمود السيد
{يا اللى بتقولوا الإخوان قتلوا نفسهم وكان معاهم سلاح وهما اللى استفزوا الجيش ودا مخطط منهم والعسكر حلوين وكيوت ومصدقين اللى اتقال فى المؤتمر العسكر عملوا فينا دا أكتر من مرة ...... ملحوظة الإخوان كاذبون وخونة}
المشكله ان الغضب بيعمي و احنا شعب عاطفي
عدوي شيطان و حليفي ملاك و انا بشر

الثائر:
ملحوظه برضه أنا معاك بس برضه الاخوان معاهم حبه همج على حبه تصريحات وسخه من القيادات
بتلبسهم في كل حاجة

المحاور:
طبعا

الثائر:
واعمل حسابك الشعب ده طلع عنيه لكن متجيش على احساسه بالامن

المحاور:
ايوه

الثائر:
بيتحول

المحاور:
فا احنا دلوقتي بنطمن طرف و بنهدد طرف بالدبح فالنتيجه انهم هياكلو بعض و هو المطلوب للعسكر و الفلول
و احيلك الي نفس الحقبه التاريخيه بالمسطره انقلاب جمال على نجيب
و بالمناسبه كانت الكورة بردو الاخوان بس هما مبيتعلموش

الثائر:
تمام جدا
1- الاخوان مش هيتراجعوا ؟
2- هل تسطيع القياده العسكريه الشرطيه في فرض سيطرتها كامله ؟

المحاور:
لا
سيستمر التصعيد ليضطر العسكر لفرض القوة
و هيعملو انتخابات صوريه و يركبو بياده او فلول او دلدول
و امن الدوله كفيل بالاخوان والسلفيه بعد ما دورهم كا محلل خلص

الثائر:
تاني نرجع نقول
فرص التفاوض ورجعوهم لعقلهم ويعملوا صفقه
ايه

المحاور:
مين هيتفاوض اذا كان كل الكبار بيتلمو و يتعمد اهانتهم
لحد هنا و دوري فالرغي خلص. صدعتك. فكر و شارك الحوار ده مع الشباب العاقل و خلينا ندور على حل ينجي البلد من الجحيم

الثائر:
هارجع اقولك تعاملهم مع الوضع بعد العزل متخلف

المحاور:
خالص ده طبيعي جدا بس حط نفسك مكانهم

الثائر:
الدروس المستفاده
حكم عسكري بنكهه مدنيه
احنا مش جيل الثوره احنا جت معنا كده
احنا مش قد الاجهزه العميقه
بالهنا والشفا

المحاور:
هقولك جمله نقفل بيها الحوار. مشكلتي من اول الثورة مش الاخوان لا. مشكلتي الي هيبيضو و يبقو اخوان لانهم بيعملو اقصى درجات الغباء لنيل الرضى و هم غشم ولا يتبعو الاوامر.
هنكون كده لو مفوقناش و فضلنا ننفذ المخطط المرسوم.
زي ما فاجئنا العالم بالثورة الحقيقيه لازم نفاجئهم بتطهير نفسنا بنفسنا و طرد كل الزباله و لم شمل الوطن و التفرغ لعدونا الحقيقي، الدوله العميقه و الفلول و العسكر

الثائر:
للاسف يا صديقي المعادله اتحسمت
اللي زيي مش هينزلوا معركه مع الاخوان
كل اللي نقدر نعمله نضغط أو نحاول نخفف اللي هيحصلهم

المحاور:
ياله اسيبك تفكر و لنا لقاء اخر. الرجاله الي وقعو حسني يبنو مليون بلد و يدو كل بياده بالبياده.

المحاور:
تحيا مصر و يسقط حكم العسكر و كل كلاب العسكر

الثائر:
يسقط كل الي خان