تشرفت بمناقشة استاذة دعاء علوي فهمي (٢٥/١٢/٢٠١٢) وتعمل كمديرة محافظ باحدى شركات ادارة المحافظ والاصول بالبورصه المصريه .. وحاصلة على ماجستير ادارة الاعمال بتقدير امتياز مع مرتبة الشرف حيث اثرت الحوار برايها الفني العلمي الدقيق في ازمة الميزانية و تحليل الوضع الحالي و شرح سبب انهيار الاحطياطي النقدي بالاضافة لرؤيتها للخروج من الازمة.
اشكر استاذة دعاء جزيلا و ادعوها لاثراء الحوار و كل موضوع بخبرتها و ذوقها.
فيما يلي نص الحوار:
Doaa Elwy Fahmy
بلاش مبدأ المؤامره ده.. كلام سيادتك مش سليم بالمره .. بغض النظر عن الارقام، وعلشان تحسبها صح لازم ترجع لأرقام اذون وسندات اللي كانوا شارينها الاجانب وهمه خرجوا من مصر بفلوس أد ايه وزي لما هم اشتروا سندات المصريه ودخلوا دولار للبلد وقتها وهمه خارجين حصل العكس .. طيب وهمه خرجوا ليه .. ببساطه لأن لو حضرتك مستثمر في أدوات الدين لدوله وفجأه حصل لها حدث سياسي يغير شكلها وسياستها زي حرب ، ثوره وخلافه طبيعي جدا ان اول حد يخرج المستثمر الاجنبي .. المعلومات ديه موجوده بتفاصيل التفاصيل على موقع البنك المركزي بالموازانات وتقارير بالعربي والانجليزي .. ولكم جميعا تحياتي
Shihab Rabee اشكرك علي التعليق . بس انا لم اجد هذا التقرير في موقع البنك المركزي. لو تتكرمي تدليني عليه هرفقه بالمقال. انا كاتب عرض رقمي فقط و كما كتبت التعليق للقارئ
Doaa Elwy Fahmy لأ يا افندم الارقام كلها موجوده على الموقع http://www.cbe.org.eg/
Central Bank of Egypt
www.cbe.org.eg
بيان صحفى يوم 9 ـ 10 ـ 2012 تصحيح خبر اتهام الدكتور العقدة وجمال مبارك ببيع ديون مصر
Shihab Rabee انا تقريبا قريت كل البيانات على الموقع، معلش اعذريني، شاوريلي في انهي حته المعلومه دي. اشكرك جدا للاهميه
Doaa Elwy Fahmy لينك اسمها time series فيها كل البيانات في شكل excel
Doaa Elwy Fahmy وحضرتك مش محتاج تسأل حد عن العجز والارقام اللي قالها وائل مش مضبوطه أوي وموضوع نسب الدين الداخلي والخارجي له حسابات مختلفه لأن مش كل الاقتراض يستحق في يوم واحد وانما يكون الاستحقاقات كالكراسي الموسيقيه ، متتابعه وعليه يمكن تأجيلها الى فترات كبيره .. مع العلم ان نسب القروض الى الودائع بالبنوك المصريه لم تتجاوز 60% .. وهي من من أقل النسب بالبلاد العربيه والشرق اوسطيه
Doaa Elwy Fahmy وفيه لينك اسمها publications
Doaa Elwy Fahmy اللينك ده فيه اصدارات سنويه من البنك المركزي ، الاصدارات السنويه بيكون فيها كل التفاصيل عن الجهات المقرضه والمفترضه والعملات ونسب خدمة الدين ... الخ .. حضرتك بص قبل وعند وبعد الثوره مش هتلاقي فيه مؤامره بالمره .. الوضع عادي وطبيعي
Doaa Elwy Fahmy وعلشان تعرف ايه المشكله الحقيقيه .. ممكن اوضح لك
Shihab Rabee اشكر حضرتك. ممكن في تعليق صغير. خبرة حضرتك. و رايك في الوضع الحالي و المخرج
Shihab Rabee كلي اذان صاغيه
Doaa Elwy Fahmy http://www.cbe.org.eg/TimeSeries/9_Egypt's_balance_of_Payments.xls
Shihab Rabee طيب و العقده عامل فبم ليه على الاحطياطي الي وصل ١٥ مليار الي هو كده من سنة ونص؟
Doaa Elwy Fahmy هقول لحضرتك أديني بس فرصه اكتب
Doaa Elwy Fahmy اذا حضرتك فتحت الرابط اللي فوق ده .. ده رابط الموازنه
Doaa Elwy Fahmy اذا بصيت هتلاقي اننا بنستورد بجنون وفي نفس الوقت مواردنا وقعت
Doaa Elwy Fahmy الموارد اللي وقعت ديه في الاساس الخدمات service
Doaa Elwy Fahmy لو بصيت على ال services
Shihab Rabee صح. كل ده انا معاكي و عارفه
Doaa Elwy Fahmy هتلاقيها نزلت تقريبا ب 10 مليار دولار
Doaa Elwy Fahmy الحاجتين اللي بيعملوا طفره سريعه .. بتكون خدمات أو تحويلات يتم استخدامها في نهضه ..
Doaa Elwy Fahmy واحنا حصل لنا الاتنين دول من 2003 - 2007 تقريبا لما هتلاقي الخدمات عملت أكبر رقم ليها اللي هو تقريبا 14 مليار دولار
Doaa Elwy Fahmy اذا بصيت في الموازنه هتلاقي ان trade balance
Doaa Elwy Fahmy أصبح بالسالب تقريبا بـ 31 مليار طبيعي نتجة استيرادنا وضعف الدخل وانهيار قطاع الخدمات عندنا
Doaa Elwy Fahmy طيب نعمل ايه
Doaa Elwy Fahmy هتلاقي ان الفجوه ديه
Doaa Elwy Fahmy التحويلات
Doaa Elwy Fahmy تحت في ميزان العمود متغطيه تقريبا من خلال الـ 17 مليار دولار
Doaa Elwy Fahmy هتلاقي 17 مليار موجودين في العمود الخاص بالتحويلات
Doaa Elwy Fahmy في الآخر خالص هتلاقي
Doaa Elwy Fahmy ان فيه عجز في 2011 - 9 مليار وفي 2012 - 11 مليار
Doaa Elwy Fahmy ده نتجة ان حساب الخدمات دخله انهار , وفيه حسابات تانيه طبعا زي الاستثمار والتمويل، بس الخدمات الاساس ومتغطي في السنتين من خلال التحويلات ..
Doaa Elwy Fahmy نيجي للسؤال المهم ليه بقه عاملين قلق على الـ 15 مليار
Doaa Elwy Fahmy لأن اذا ما فيش تحويلات من تركيا وقطر وخلافه .. انت عندك عجز كبير جدا في الميزان التجاري نتج عنه انك بتستهلك حاليا كل سنه من الاحتياطي بتاعك متوسط 10 مليار دولار .. هتجيبهم من فين ؟؟؟
Shihab Rabee طب ما ده من سنة و نص. ليه الفلم دلوقت بالذات؟
Essam Samir اسف علي التدخل الفترة دي (2003-2007)كان فيها تخصيص كتير و بيع اراضي بالمزاد لدرجة ان في مناطق الاراضي ارتفعت 1000% و ساعتها البورصة جابت ال 12000 (ونصبات مجموعة طلعت مصطقي و المصرية للاتصالات و غيره)
Shihab Rabee استاذة دعاء ممكن سطر تعرفي فيه بنفسك، علشان اعرف اضيف رايك
Doaa Elwy Fahmy يا أ. عصام أنا اعلم جيدا اللي حضرتك تعنيه .. بس أنا حاليا بتكلم عن الاقتصاد ، اما البورصه "وهو مجال عملي وتخصصي منذ 10 سنوات" اذا حضرتك تحب أوضح لك اكتر حصل فيه ايه أنا تحت امرك
Shihab Rabee بلاش البورصة علشان دي فلم تاني و ملوش علاقة اوي
Doaa Elwy Fahmy أنا أ. شهاب اعمل كمديرة محافظ باحدى شركات ادارة المحافظ والاصول بالبورصه المصريه .. وحاصلة على ماجستير ادارة الاعمال تخصص finance بتقدير امتياز مع مرتبة الشرف GPA 3.9/4
Shihab Rabee خلينا في تحليل حضرتك للموقف و رايك للحل
Doaa Elwy Fahmy هو ليه وزارة الماليه مهتمه جدا انهم يأخدوا قرض الصندوق ؟ بالرغم من انه 4.8 مليار دولار ؟؟
Shihab Rabee ليه؟
Doaa Elwy Fahmy لأنه يا أفندم هيكون اشارة تنفيذ للعديد من القروض الاخرى والتي تقدر بين 15 - 20 مليار من البلاد العربيه
Doaa Elwy Fahmy وفي الحاله مش هيكون عندنا مشكله في 2013 .. طبعا ده حل مؤقت
Shihab Rabee كلام منطقي
Doaa Elwy Fahmy علشان البلد تقدر ترجع "الامن والاستقرار" علشان نرجع تاني
Doaa Elwy Fahmy حساب الخدمات يزيد مره تانيه والتحويلات ترجع
Doaa Elwy Fahmy والكلام ده سهل يرجع في وقت قليل جدا
Shihab Rabee بس الي تحويلات بتاعت العاملين فالخارج شغالة. ايه وقفها؟!!!!
Doaa Elwy Fahmy لأن البنيه الاساسيه والتحتيه للبلاد لم تتأثر كبلاد زي ليبيا ...
Doaa Elwy Fahmy التحويلات من الخارج مش كسابق عهدها
Doaa Elwy Fahmy حضرتك راجع ميزان المدفوعات اللي بعته لك والدنيا هتنور ان شاء الله
Doaa Elwy Fahmy هو بصفه عامه .. احنا عندنا عجر 31 مليار في الميزان التجاري
Doaa Elwy Fahmy حاليا
Doaa Elwy Fahmy واذا التحويلات مش جت هنصرف الاحتياطي ونحتاج عليه كمان
Doaa Elwy Fahmy لأن السنه اللي فاتت التحويلات كانت 17 مليار
Doaa Elwy Fahmy يبقه الحل: هو المسكن
Doaa Elwy Fahmy نعطي حقنه للاقتصاد من خلال الاقتراض
Shihab Rabee او نشجع التحويلات . بعمل مغريات للادخار الدولاري
Shihab Rabee الناس مش بتحول علشان مفيش عائد . انا شخصيا و انا بره عمري ما فكرت ابعت فلوس مصر غير لو فيه ضرورة
Doaa Elwy Fahmy ونسد الفجوه وخلال السنه الجايه نحاول نرجع الحال الى ما كان عليه وبعدين نحاول نعمل نهضه.
Shihab Rabee بلاش نهضة دي علشان فيه ناس عندها حساسية منها
Doaa Elwy Fahmy والبنوك مسلفه على الاقل 50% منهم يعني في الآخر الرقم الباقي مش كبير وليهم تكلفه لما الحكومه بتقترضهم ..
Doaa Elwy Fahmy كل الودائع اللي في البنوك اللي بالدولار 34 مليار، والبنوك مسلفه على الاقل 50% منهم يعني في الآخر الرقم الباقي مش كبير وليهم تكلفه لما الحكومه بتقترضهم ..
Shihab Rabee طيب سؤال من طالب بليد. كل ده المدرسة الكلاسيكية. فين الفكر الثوري و الافكار المجنونة لحل الازمة و عمل الطفرة
Essam Samir طيب ليه منعملش سندات جديدة علي 30 سنة و نسوقها
Doaa Elwy Fahmy ما هو الفكر الثوري هو اللي خلص لنا الـ reserve
Shihab Rabee لاء ده الناس لسة بتستفتح
Doaa Elwy Fahmy موافقه نعمل سندات جديده ونسوقها .. بس ايه رأيك في تصنيف الائتماني ..
Essam Samir المشكلة الي شايفها ان ال معاه فلوس خايف يطلعها في الاوضاع الحالية لازم يطمنو
Doaa Elwy Fahmy احنا كمصريين كان ممكن نستفيد من الثوره ونعمل على موضوع الثوره وميدان التحرير سياحه لمدة سنوات ... بس فين مش الفكر الثوري وانما الفكر البناء .. الفكر الجماعي .. للأسف احنا ما اتعلمناش نشتغل ونفكر مع بعض من أجل هدف .. كل حد عاوز مجد شخصي .
Essam Samir يعني وضعنا الاتماني اسوء من اليونان
Doaa Elwy Fahmy تصنيفنا الائتماني النهارده للأسف اتخفض وأصبحنا زيهم
Doaa Elwy Fahmy اتمنى من الله تعالى أن يرزق مصر وأهلها "الاخلاص"
Doaa Elwy Fahmy سلام عليكم
Shihab Rabee مع اني بردو مش شايف سبب منطقي لانيهار تحويلات الخارج و شايف اننا معملناش الازم لجذبها ما دامت بهذه الاهميه
ليست هناك تعليقات:
إرسال تعليق