زييييط يا زياااااط

بالنوسبة للاخوة الي تحب تظيط في اي هيصة و لبانة اليوم كانت الكام مليون بتوع ميكروسوفت و بيقولو نقلب لينوكس اصلة ببلاش. مبدايا ده مش رقم يا حمادة انت وهو و مثلا إحنا شركتنا بتدفع لمايكروسوفت لوحدها سنويا ملايين موملينة فعلا قرب الي بتقولومصر كلها هتدفعة ده. و بما أني لينوكساوي عتيق وشاركت شخصيا في اول تعريب للنظام في عام ٩٩ بقولك التحويل مش سهل و مكلف و بياخد وقت طويييل و مش اي حد يقدر يعمل التحويل لان ده مشروع كبيير و مش ببلاش بالمناسبة. الأهم بناء حكومة إلكترونية حقيقية لقضاء حوائج الناس من الإنترنت و التليفون ده هيرحم الناس و يخف التزاحم و يكون مصدر دخل زي الدول المحترمة الي بالمناسبة رجالة مصريين مشتركين في بناء اغلب الانظمة دي.

جائني هذا التعليق "بالعكس يا بشمهندس احنا عملنا تجربة عملية على تحويل التطبيقات المعتمدة على ميكروسوفت و تحويلها الى برامج مبنية على المصادر الحرة وكانت النتيجة ممتازة ودا نتيجة بحث و دراسة عامين والمشروع موجود للي يحب انه يتأكد من صدق الكلام"

وردي:
تعرف تكلفة التحويل وقت و تعليم و فلوس و تعرف حل لمشكلات كتير زي الطباعة عربي من اللينوكس وخصوصا للبرنترز القديمة. و تعرف مشاكل تعامل اللينوكس مع الكثير من الأجهزة الموجودة في الدولة مثل البار كود ريدرز القديمة. و حددتو تكلفة استبدال كل البرامج الي مفيش منها نسخة للينوكس الحياة مش ويندوز و اوفيس و صدقني فيه برامج فالحكومة لازالت تعمل على دوس و موضوع واين وأمثاله لا يعتمد عليه و غيرها كتييير من العقبات. بالمناسبة العبد لله بيشاغل في المجال من خمستاشر سنة و عملت الموضوع ده شخصيا كذا مرة و كنت من أوائل الداعين ليه وأنا شاب. و لكني بعد ما شفت كمية الحالات الخاصة في كل كيان و كل إدارة ناهيك عن مشاكل الرفض النفسي من المستخدمين اللي اغلبهم موظفين بسطاء يادوب خد أي سي دي ال بالضالين و فاكر انه كده دكتور. أنا من الداعين لهذه الخطوة لكن بدون دراسة و أعداد هتكون كارثة و هتكلفنا مليارات فعلا. و بالمناسبة في كيانات كبيرة من ما يضرب بها المثال برة انها غيرت في كل سنة بيفكرو الي عملوه صح ولا غلط و بالفعل فيه كيانات كبيرة قررت تحمل تكلفة العودة على الاستمرار في المعاناة. للأسف الدنيا اتبنت غلط. و أريى توجيه جهدكم لإخراج جيل من المتخصصين الذين لهم القدرة على بناء الأنظمة الجديدة في الحكومة الإلكترونية و تجهيز الجيش الي يقدر يغطي احتياجات كيان بحجم الحكومة بيطلب كتير و مبيدفعش. ربنا معاكم. وتحت أمركم في أي مساعدة من واقع الخبرة.