من سنتين استقلت من شغلي غصب و اقتدار علشان كانو بيوفرو فلوسنا علشان يفرقعوها على حاجة اهيف. المهم عكمونا موكافئة نهاية الخدمة و بيتك بيتك يا حمادة منك له. قوم ايه قلت يا واد فرصه تجدد في شغلك و حياتك و تفتح في مجال جديد.
المهم مطولش عليك قول طول قررت ادخل العب في هوجة برامج الموبيلات شكلها سببوبة معتبرة.سألت و اطقست ايه المطلوب علشان نعكم من السبوبة دي قال الخبراء تتعلم اللغة و تجيب افكار برامج متميزة و تعرف هتنفذها ازاي و يكون عندك جهاز محترم تشتغل عليه و حباذا لو "ماك" علشان تعمل برامج اي فون كمان.
و بما اني من مدمنين التكنولوجيا كان عندي لابتوب محترم و اي فون و كل العدة. ولكن المصري طول عمره معروف بجبروتة و حجة البليد مسح السبورة. و بما اني مصري و فهلوي و بجيب من الاخر اول خطوة عملتها مش اني اتعلم ولا اجيب افكار و لا اشوف فيه ايه معمول و لا حتى ابداء اطلع شغل من على جهاز الي هو ابن حلال و يجي منه بس ويندوز على قده و مبستعملوش تقريبا غير في الفيسبوك و الميل. عملت ايه تفتكرو ..... ايوه صح ، رحت اشتريت احدث و اغلى جهاز ماك فالسوق وكلفته مبلغ يجيب عربية بدون مبالغة.
شديت حيلي و شمعت الفتلة و قعدت اللوش يمين و شمال و طلعت شوية هرتله كده ميطلعهاش عيل ابن امبارح مش واحد خمشتاشر سنة خبرة. وقلت قشطة و البلية هتلعب و يالة و المهم شوية و كام شهر و خخخخخخخخخخخخ غطست في سبات عميق. و عادت ريما لعادتها القديمة و اخر استخدام للابتوب الجديد الغالي فحت رجع الفيسبوك و الميل.
طيب مصدعكم ليه كل ده، علشان مشروع قناة طابا العريش العظيم الي هيكون فتح انطلاقة لمصر. المشروع الي تكلفته المبدئية ١٠٠٠ مليار جنيه مش عارفين مين هيدفعهم و ضعف طول قناة السويس و بيعدي من سلسلة جبل الحلال شديدة الوعورة. لست هنا في محل تحليل او انتقاد المشروع او المزايدة عليه.
فقط اردت توضيح بعض الحقائق من مواقع الملاحة الرسمية عن قناة السويس:
- ان قناة السويس لا تمر منها غير نسبة بسيطة من الملاحة العالمية
- يشيع البعض ان انخفاض دخل القناة يعود لقلة عمق القناة
- ان العمق الملاحي الرسمي لقناة السويس ٢٢.٥ متر و اقل عرض ١٩٥ متر.
- عدد السفن في العلم التي تزيد عن هذا العمق و العرض حوالي عشر سفن بالعدد. يعني ٩٩٪ من سفن العلم لا يوجد مانع ملاحي من مرورها.
- دخل قناة السويس الرسمي ٦ مليار دولار سنويا.
المشكلة الرئيسية لقناة السويس هي:
- انعدام التسويق الدولي المحترف
- انعدام او قلة الخدمات البحرية المحترفة
- القرصنة البحرية في سواحل الصومال
- سمعة المنطقة في الاعلام الغربي كمنطقة توتر
- في حال جذب الملاحة العالمية و توفير الخدمات قدر الخبراء الدخل المتوقع بما يزيد عن ٤٠ مليار دولار.
يتلخص الامر في اننا قبل ما نشتري الابتوب الماك الغالي قوي نشغل الابتوب الويندوز الي عندنا الاول و نجيب اخرة. قصدي قبل ما نفكر نشق قناة جديدة نشغل الاولانية بطاقتها الكلية الممكنة الاول.
يجعلو عامر
المهم مطولش عليك قول طول قررت ادخل العب في هوجة برامج الموبيلات شكلها سببوبة معتبرة.سألت و اطقست ايه المطلوب علشان نعكم من السبوبة دي قال الخبراء تتعلم اللغة و تجيب افكار برامج متميزة و تعرف هتنفذها ازاي و يكون عندك جهاز محترم تشتغل عليه و حباذا لو "ماك" علشان تعمل برامج اي فون كمان.
و بما اني من مدمنين التكنولوجيا كان عندي لابتوب محترم و اي فون و كل العدة. ولكن المصري طول عمره معروف بجبروتة و حجة البليد مسح السبورة. و بما اني مصري و فهلوي و بجيب من الاخر اول خطوة عملتها مش اني اتعلم ولا اجيب افكار و لا اشوف فيه ايه معمول و لا حتى ابداء اطلع شغل من على جهاز الي هو ابن حلال و يجي منه بس ويندوز على قده و مبستعملوش تقريبا غير في الفيسبوك و الميل. عملت ايه تفتكرو ..... ايوه صح ، رحت اشتريت احدث و اغلى جهاز ماك فالسوق وكلفته مبلغ يجيب عربية بدون مبالغة.
شديت حيلي و شمعت الفتلة و قعدت اللوش يمين و شمال و طلعت شوية هرتله كده ميطلعهاش عيل ابن امبارح مش واحد خمشتاشر سنة خبرة. وقلت قشطة و البلية هتلعب و يالة و المهم شوية و كام شهر و خخخخخخخخخخخخ غطست في سبات عميق. و عادت ريما لعادتها القديمة و اخر استخدام للابتوب الجديد الغالي فحت رجع الفيسبوك و الميل.
طيب مصدعكم ليه كل ده، علشان مشروع قناة طابا العريش العظيم الي هيكون فتح انطلاقة لمصر. المشروع الي تكلفته المبدئية ١٠٠٠ مليار جنيه مش عارفين مين هيدفعهم و ضعف طول قناة السويس و بيعدي من سلسلة جبل الحلال شديدة الوعورة. لست هنا في محل تحليل او انتقاد المشروع او المزايدة عليه.
فقط اردت توضيح بعض الحقائق من مواقع الملاحة الرسمية عن قناة السويس:
- ان قناة السويس لا تمر منها غير نسبة بسيطة من الملاحة العالمية
- يشيع البعض ان انخفاض دخل القناة يعود لقلة عمق القناة
- ان العمق الملاحي الرسمي لقناة السويس ٢٢.٥ متر و اقل عرض ١٩٥ متر.
- عدد السفن في العلم التي تزيد عن هذا العمق و العرض حوالي عشر سفن بالعدد. يعني ٩٩٪ من سفن العلم لا يوجد مانع ملاحي من مرورها.
- دخل قناة السويس الرسمي ٦ مليار دولار سنويا.
المشكلة الرئيسية لقناة السويس هي:
- انعدام التسويق الدولي المحترف
- انعدام او قلة الخدمات البحرية المحترفة
- القرصنة البحرية في سواحل الصومال
- سمعة المنطقة في الاعلام الغربي كمنطقة توتر
- في حال جذب الملاحة العالمية و توفير الخدمات قدر الخبراء الدخل المتوقع بما يزيد عن ٤٠ مليار دولار.
يتلخص الامر في اننا قبل ما نشتري الابتوب الماك الغالي قوي نشغل الابتوب الويندوز الي عندنا الاول و نجيب اخرة. قصدي قبل ما نفكر نشق قناة جديدة نشغل الاولانية بطاقتها الكلية الممكنة الاول.
يجعلو عامر
ليست هناك تعليقات:
إرسال تعليق